အခြား/ဌာနဆိုင်ရာ

အထွေထွေအုပ်ချုပ်ရေးဦးစီးဌာနဝန်ထမ်းများအတွက် Basic Public Management Course Online သင်တန်း စတင်ဖွင့်လှစ်ပို့ချ”

အထွေထွေအုပ်ချုပ်ရေးဦးစီးဌာနဝန်ထမ်းများအတွက် Basic Public Management Course Online သင်တန်း စတင်ဖွင့်လှစ်ပို့ချ”
ပြည်ထောင်စုအစိုးရအဖွဲ့ရုံးဝန်ကြီးဌာန၊ အထွေထွေအုပ်ချုပ်ရေးဦးစီးဌာနနှင့် ဂျပန်နိုင်ငံ၊ နီပွန် ဖောင်ဒေးရှင်းတို့ပူးပေါင်း၍ မြန်မာနိုင်ငံ၏ အုပ်ချုပ်ရေးပြုပြင်ပြောင်းလဲမှုလုပ်ငန်းစဉ်တွင်ပါဝင်သည့် အထွေထွေအုပ်ချုပ်ရေးဝန်ထမ်းများအား ကောင်းမွန်သောအစိုးရဖော်ဆောင်မှုနှင့် ပြည်သူ့ဝန်ဆောင်မှု လုပ်ငန်းများတွင် စွမ်းရည်တိုးတက်လာစေရန်ရည်ရွယ်၍ ရက်သတ္တ (၁၂)ပတ်ကြာဖွင့်လှစ်မည့် Basic Public Management Course သင်တန်းကို Video Conferencing စနစ်ဖြင့် စတင်ဖွင့်လှစ်ပို့ချခဲ့ပါသည်။
သင်တန်းဖွင့်ပွဲအခမ်းအနားတွင် အထွေထွေအုပ်ချုပ်ရေးဦးစီးဌာန ညွှန်ကြားရေး မှူးချုပ်က အထွေထွေအုပ်ချုပ်ရေးဦးစီးဌာနအား ၂၀၁၈ ခုနှစ် ၊ ဒီဇင်ဘာလ(၂၈)ရက်မှ စတင်၍ ပြည်ထောင်စုအစိုးရအဖွဲ့ရုံးဝန်ကြီးဌာန လက်အောက်သို့ လွှဲပြောင်းဖွဲ့စည်းကာ အထွေထွေအုပ်ချုပ်ရေး ပြုပြင်ပြောင်းလဲရေးမူဘောင်(၂၀၁၉)အား နယ်ပယ် (၆)ရပ်ဖြင့် ဌာန၏အသွင်သဏ္ဍာန်နှင့် အနှစ်သာရ ပြုပြင်ပြောင်းလဲရေးလုပ်ငန်းများ ဆောင်ရွက်လျက် ရှိပါကြောင်း၊ အဆိုပါနယ်ပယ်(၆)ရပ်အနက်မှ နယ်ပယ်(၄)၏မျှော်မှန်းရလဒ်(S-4.2) ဖြစ်သောသင်တန်းများ၊ သင်ခန်းစာများနှင့် သင်ကြားနည်းစနစ်များကို အဆင့်မြှင့်တင်နိုင်ရန်လုပ်ငန်းစဉ်များအနက်မှ နိုင်ငံတကာအဆင့်မီ သင်ခန်းစာများနှင့် သင်ကြားနည်းစနစ်များကို ပထမအကြိမ် Online မှတဆင့် သင်ကြားပို့ချမှုကို စတင်ဆောင်ရွက်ခြင်းဖြစ်ပါကြောင်း၊ မိမိတို့ဌာနသည် ပြုပြင်ပြောင်းလဲမှုအရွေ့ တစ်ခုကို ဖော်ဆောင်နေသည့်ကာလဖြစ်သည့်အတွက် သင်တန်းတက်ရောက်သူများ အနေဖြင့် အထူးအလေးထားကြိုးစားရန်လိုအပ်ပါကြောင်း သင်တန်းအဖွင့်အမှာစကား ပြောကြားခဲ့ပါသည်။

Show More

Related Articles

ပြန်စာထားခဲ့ပါ။

သင့် email လိပ်စာကို ဖော်ပြမည် မဟုတ်ပါ။ လိုအပ်သော ကွက်လပ်များကို * ဖြင့်မှတ်သားထားသည်

Back to top button
Close
Close