ကိုရိုနာ ဗိုင်းရပ်စ်

ဝန်ထမ်းတစ်ဦး ဆုံးရှုံးရမှုအပေါ် မိသားစုနှင့်ထပ်တူ ဝမ်းနည်းကြေကွဲရပါကြောင်း

COVID-19 ရောဂါထိန်းချုပ်မှုများ၊ အသိပညာပေးခြင်းများနှင့်စပ်လျဉ်း၍ ပြည်သူလူထုနှင့် ဆက်ဆံ ရာတွင် ပြည်သူနှင့် တစ်သားတည်း ကိုယ်ချင်းစာတရားဖြင့် ဝန်ဆောင်မှုပေးရန်နှင့် ကျန်းမာရေးအသိ၊ သတိနှင့် လုပ်ငန်းဆောင်ရွက်ကြရန်၊”

“ပြည်သူမှ အားကိုးယုံကြည်သည့် အုပ်ချုပ်ရေးအဖွဲ့အစည်းဖြစ်စေရေး ကြိုးပမ်းဆောင်ရွက်နေမှုများအား ချီးကျူးအသိအမှတ်ပြု၊”

“ပုံမှန်ဝင်ငွေမရှိသော အခြေခံလူတန်းစားများကို ထောက်ပံ့မှုများ ပေးအပ်ရာတွင် ဆောင်ရွက်ရမည့် လုပ်ငန်းစဉ်များကို စနစ်တကျ ဆောင်ရွက်ရန်၊”

၈.၄.၂၀၂၀ရက်နေ့ (၁၄၃၀) နာရီအချိန်တွင် ပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စု ဝန်ကြီး ဦးမင်းသူသည် တိုင်းဒေသကြီး/ ပြည်နယ်များအလိုက် COVID-19 ရောဂါကာကွယ်ထိန်းချုပ်ရေးလုပ်ငန်း အကောင်အထည်ဖော်ဆောင်ရွက်နေမှုများနှင့်စပ်လျဉ်း၍ အထွေထွေအုပ်ချုပ်ရေးဦးစီးဌာန ညွှန်ကြားရေး မှူးချုပ်၊ တိုင်းဒေသကြီး/ ပြည်နယ် အုပ်ချုပ်ရေးမှူးများနှင့် Video Conferencing ပြုလုပ်ခဲ့ပါသည်။
အစည်းအဝေးတွင် တိုင်းဒေသကြီး/ ပြည်နယ်အုပ်ချုပ်ရေးမှူးများက မိမိတို့ တိုင်းဒေသကြီး/ ပြည်နယ်အလိုက် ဆောင်ရွက်ထားရှိမှု အခြေအနေများကို တင်ပြခဲ့ကြပြီး တင်ပြလာမှုများအပေါ် ပြည်ထောင်စုဝန်ကြီးက ဆွေးနွေးဆုံးဖြတ်ပေးခဲ့ပါသည်။
ပြည်ထောင်စုဝန်ကြီးက ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ်မှ ဝန်ထမ်းတစ်ဦး ကွယ်လွန်သွားခဲ့ခြင်းအပေါ် မိသားစုနှင့် ထပ်တူဝမ်းနည်းကြေကွဲရပါကြောင်း၊ လုပ်ငန်းများ ဆောင်ရွက် ရာတွင် ကိုယ်ချင်းစာတရား၊ ကျန်းမာရေးအသိ၊ သတိများနှင့် ပူးပေါင်းဆောင်ရွက်ကြရန်လိုကြောင်း၊ ယခုကဲ့သို့သော အချိန်ကာလတွင် ပြည်သူများ ယုံကြည်အားကိုးသည့် အုပ်ချုပ်ရေးအဖွဲ့အစည်းတစ်ရပ် ဖြစ်စေရေး အားလုံးဝိုင်းဝန်းပူးပေါင်းဆောင်ရွက်သွားရမည်ဖြစ်ကြောင်း၊ ပုံမှန်ဝင်ငွေမရှိတဲ့ အခြေခံ လူတန်းစားများကို ထောက်ပံ့မှုများ ပေးအပ်ရာတွင် စနစ်တကျ ဆောင်ရွက်သွားရန် လိုအပ်ကြောင်းနှင့် ဆွေးနွေးတင်ပြချက်များအပေါ် တတ်နိုင်သမျှ နေ့ချင်းပြီး ဆုံးဖြတ်အကောင်အထည်ဖော် ဆောင်ရွက်လျက် ရှိကြောင်း မှာကြားခဲ့ပါသည်။

Show More

Related Articles

ပြန်စာထားခဲ့ပါ။

သင့် email လိပ်စာကို ဖော်ပြမည် မဟုတ်ပါ။ လိုအပ်သော ကွက်လပ်များကို * ဖြင့်မှတ်သားထားသည်

Back to top button
Close
Close