ကန့်ဘလူ-ကျွန်းလှ-ကောလင်းလမ်း မြို့အ၀င်နှင့် ကျွန်းလှဘူတာ၌ ကျန်းမာရေး အခြေအနေ စစ်ဆေး

(၂၁.၄.၂၀၂၀)ရက်နေ့တွင်ကျွန်းလှမြို့နယ်အနေဖြင့်ကန့်ဘလူ-ကျွန်းလှ-ကောလင်းလမ်းမြို့အ၀င်နှင့် ကျွန်းလှဘူတာ၌ ကျန်းမာရေးအခြေအနေစစ်ဆေးဆောင်ရွက်ခြင်း၊မြို့နယ်စီ/ခန့်ဥက္ကဌဦးသက်ထားမောင်၊မြို့နယ်ရဲတပ်ဖွဲ့မှူးပါ၀င်သောလှည့်ကင်းအဖွဲ့သည်(၂၀.၄.၂၀၂၀)ရက်နေ့ ည(၂၂၀၀)နာရီအချိန်မှစ၍ မြို့အတွင်းလှည့်လည်စစ်ဆေးခြင်း၊ (၂၁.၄.၂၀၂၀)ရက်နေ့တွင်မြို့အဝင်ဂိတ်နေရာအားသွားရောက်ကြည့်ရှုခြင်း၊တရုတ်ပြည်မှပြန်လာသောပုဂ္ဂိုလ်များအား ရွှေဘိုမြို့နယ်၊ ကျောက်မြောင်းမြို့ ဆိမ်ကမ်းအထိသွားရောက်ခေါ်ဆောင်ခြင်း၊ ကျွန်းလှမြို့သို့ပြန်လည်ရောက်ရှိချိန်တွင် ကျွန်းလှမြို့ အထက(ကျွန်းလှ)ကျောင်းတွင်ကျန်းမာရေးအခြေအနေစစ်ဆေးပေးခြင်း၊ ကျေးရွာများသို့စနစ်တကျပြန်လည်ရောက်ရှိစေရေးစီမံဆောင်ရွက်ပေးခြင်း၊ ကျေးရွာသို့ပြန်လည်ရောက်ရှိပါက(CBFQ)နေရာတွင်ထားရှိဆောင်ရွက်ရန် ကျေးအုပ်ချုပ်ရေးများအား လမ်းညွှန်မှာကြားခြင်း ၊ ဌာနဆိုင်ရာရုံးများတွင် ပိုးသတ်ဆေးဖျန်းခြင်းများ ဆောင်ရွက်ခဲ့ပါသည်။