တံတားဦးမြို့နယ်
၂၀၂၀ပြည့်နှစ် ဧပြီလ ၁၁ ရက်နေ့ ၀၉၀၀ အချိန်တွင် မြို့နယ်အုပ်ချုပ်ရေးမှုးရုံးခန်း၌ တိုင်းဒေသကြီးလွှတ်တော်ကိုယ်စားလှယ်များ၊ မြို့နယ် Coronavirus Disease 2019 (COVID-19) ထိန်းချုပ်ရေးနှင့် အရေးပေါ်တုံ့ပြန်ရေးလုပ်ငန်းကော်မတီဝင်များနှင့်အတူ ဆောင်ရွက်ရမည့် ကော်မတီ လုပ်ငန်းတာဝန်များနှင့် ပတ်သက်၍ လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့၊ ၁၁၀၀ အချိန်တွင် တိုင်းဒေသကြီးလွှတ်တော်ကိုယ်စားလှယ်များ၊ မြို့နယ် Coronavirus Disease 2019 (COVID-19) ထိန်းချုပ်ရေးနှင့် အရေးပေါ်တုံ့ပြန်ရေး လုပ်ငန်း ကော်မတီဝင်များနှင့်အတူ ပုံမှန်ဝင်ငွေမရှိသော အခြေခံလူတန်း စားများအား အိမ်ထောင်စုအလိုက် ထောက်ပံ့ရမည့်အခြေခံစားသောက်ကုန် (ဆန်၊ဆီ၊ဆား၊ပဲ၊ကြက်သွန်နီ) (၅)မျိုးအနက် ကြက်သွန်နီနှင့်ဆားတို့အား မြို့နယ်အတွင်းရှိ ပုံမှန်ဝင်ငွေမရှိသော အခြေခံလူတန်းစား စုစုပေါင်း အိမ်ထောင်စု (၁၈၆၀၅) သို့ ထောက်ပံ့ ပေးအပ်ခဲ့ပြီး၊ ထောက်ပံ့ရန်ကျန်ရှိသည့် (ဆန်၊ဆီ၊ ပဲ) တို့အား ဆက်လက်ထောက်ပံ့ပေးအပ်သွား
မည်ဖြစ်ပါသည်။
