“ပြည်သူများမှ တိုင်ကြားလာသည့် ကိစ္စရပ်များအပေါ် စနစ်တကျ ဆောင်ရွက်ပေးလျက်ရှိ”

ပြည်သူများ၏ နစ်နာမှု၊ တိုင်ကြားမှုများအား တိုက်ရိုက်လက်ခံဖြေရှင်းပေးနိုင်ရေးအတွက် ပြည်ထောင်စုအစိုးရအဖွဲ့ရုံးဝန်ကြီးဌာန၊ ဝန်ကြီးရုံးတွင် သတင်း၊ သုတေသနနှင့် တိုင်ကြားစာဌာနခွဲကို ထည့်သွင်းဖွဲ့စည်းထားပြီး ပြည်သူများမှ တိုင်ကြားလာသည့် ကိစ္စရပ်များ၊ လွှတ်တော်ရေးရာ ကော်မတီများ၊ အဂတိလိုက်စားမှု တိုက်ဖျက်ရေးကော်မရှင်၊ မြန်မာနိုင်ငံအမျိုးသား လူ့အခွင့်အရေးကော်မရှင်နှင့် အခြားဝန်ကြီးဌာန/ အဖွဲ့အစည်းများမှ လွှဲပြောင်းပေးပို့လာသည့် ကိစ္စရပ်များအပေါ် တည်ဆဲဥပဒေ၊ နည်းဥပဒေ၊ လုပ်ထုံး လုပ်နည်းများနှင့်အညီ သက်ဆိုင်ရာဌာနအဆင့်ဆင့်မှ စိစစ်၍ တွေ့ရှိသုံးသပ်ချက်များအပေါ် အရေးယူဆောင်ရွက်ပြီးစီးမှုအခြေအနေများကို တိုင်ကြားသူများထံ စနစ်တကျ ပြန်လည်အကြောင်းပြန်ကြားပေးလျက်ရှိပါသည်။

နိုင်ငံတော်အစိုးရ၏ စတုတ္ထ(၁)နှစ်တာ ကာလအတွင်း လက်ခံရရှိခဲ့သည့် တိုင်ကြားစာများ အပေါ် ဖြေရှင်းပြီးစီးခဲ့မှုအခြေအနေမှာ အောက်ပါအတိုင်းဖြစ်ပါသည်-

(က) လက်ခံရရှိခဲ့သည့် တိုင်ကြားစာအရေအတွက် = (၂၇၀၉)စောင်

(ခ) ဆောင်ရွက်ပြီးစီးမှုအရေအတွက် = (၂၃၇၆)စောင်

(ဂ) ဆောင်ရွက်ဆဲအရေအတွက်= (၃၃၃)စောင်

(ဃ) ပြီးစီးမှုရာခိုင်နှုန်း = ၈၈ %